Andas na procura dunha casa?

Buscas unha vivenda que te ilusione e que poidas rehabilitar ó teu gusto para dar vida a un fogar actualmente vello e descoidado?

Pois esta que che presento, está situada na vila de Meira, no núcleo urbano. Unha fermosa casa, de 198 metros cadrados construídos, de tres alturas (baixo comercial e 2 pisos) localizada moi preto da praza do Concello e do antigo convento cisterciense, un lugar máxico onde poder vivir tranquilo e ó lado dos servizos que a vila ofrece.

A distribución da casa é a seguinte:

Na planta baixa encontramos un local comercial, un almacén e unha entradiña. Na planta superior, un baño completo, dous dormitorios, unha cociña e unha terraza. E na segunda planta, dous dormitorios, un baño completo, unha saliña e unha cociña.

É unha casa pequena pero acolledora que necesita reforma urxente. Ideal para unha familia ou como vivenda vacacional.

Se che interesa esta oportunidade, contacta con nós!