OPORTUNIDADE ÚNICA.

Achegámonos ata Mondoñedo, para poñer a venta dúas casas. Visitamos esta fermosa vila con moito encanto que nos transporta a un lugar máxico e histórico. É a capital actual da comarca da Mariña Lucense, e antiga capital do Reino de Galicia.

Rodeando a catedral entre fermosas rúas empedradas, achegámonos á esta casa que vos imos presentar. Non se trata dunha soa vivenda, son dúas edificacións conectadas que comparten unha entrada única e unha mesma escaleira ata os respectivos pisos e apartamentos. Todo este conxunto está formado por: un baixo comercial grande e luminoso, dous pisos principais, unha terraza aberta, dous apartamentos e outro espazo na planta baixa que se encontra actualmente dedicado a zona de ocio, onde se celebraban reunións familiares.

Para que nos entendamos durante a explicación, imos diferenciar as dúas vivendas que se poñen á venda. A casa máis grande é a casa familiar, na que viviron os actuais propietarios e familiares durante décadas. Imos denominala como casa 1. E a casa recentemente arranxada, onde se encontran dous apartamentos alugados, denominarémola casa 2.

Comezando pola CASA 1, cabe dicir que é unha casa señorial, unha casa de pedra que no momento que entras nela te transporta a algún recordo ou historia pasada. É unha casa que garda moitas vivencias e que se nota que foi conservada con moito cariño durante anos. Nela encontramos na planta baixa un amplo local comercial, de 92 metros cadrados, con un aseo no que houbo durante anos múltiples negocios.

Nesta mesma altura encontramos unha preciosa entradiña con acceso ás escaleiras da casa nos levan ata os pisos e apartamentos da CASA 1 e da CASA 2.

Os pisos situados na casa familiar (CASA 1) son 2 pisos grandes de 124 metros cadrados construídos, moi luminosos que sufriron reformas e que se conservan en bo estado. Teñen  no seu interior  unha cociña, un salón- comedor, un estudo, un baño completo e 3 ou 4 dormitorios completos.

Temos que dicir que no primeiro piso hai calefacción pero no segundo non. Aínda así, existe a instalación para toda a casa, e é moi doado poñela no segundo piso,  xa que no resto de apartamentos e locais haina tamén.

Na casa contigua, CASA 2, hai 2 pequenos apartamentos de 42 metros cadrados construídos cada un que están actualmente arrendados, e que están reformados completamente.

Na cuberta desta vivenda hai unha terraza na que desfrutar os días de verán. E no local comercial deste edificio, os propietarios decidiron facer un lugar de descanso e ocio para eles, imitando un bar/pub.

E ti, queres mercar en Mondoñedo?  Preto da costa pero rodeada de natureza? Andas na procura dunha casa no casco histórico da vila? Contacta con nós, porque esta é unha OPORTUNIDADE ÚNICA.