Véndese fermosa casa tradicional de pedra no lugar de Roás, no concello de Cospeito.

Trátase dunha vivenda de dobre altura, con 260 metros cadrados construídos, moi luminosa, amoblada e lista para habitar desde hoxe mesmo. A casa está pareada a outra vivenda, e conta con acceso directo ao terreo desde o interior, así como con garaxe propio. Dispón de auga e luz, e está asentada nunha ampla parcela de case 10.000 metros cadrados, perfecta para desfrutar do aire libre ou destinar a diferentes proxectos persoais.

A distribución interior fai desta casa un fogar cómodo e versátil. Na planta baixa atópase a zona de día, que conta cun salón comedor amplo e luminoso, cociña equipada, unha entradiña, un baño, unha práctica despensa e un dormitorio, o que permite que a vivenda sexa perfectamente habitable sen necesidade de subir ao segundo andar. Na planta superior sitúase a zona de descanso, con tres dormitorios adicionais, un baño e outra despensa, converténdose nun espazo ideal para a vida familiar ou para recibir visitas con total comodidade.

Esta propiedade é unha excelente oportunidade para quen busque unha vivenda rural con encanto, con todas as comodidades actuais, rodeada de tranquilidade e nun entorno natural, sen renunciar á proximidade dos servizos que ofrece o concello de Cospeito. Un lugar perfecto para establecer residencia habitual ou como segunda vivenda para gozar do descanso e da natureza.