Hai casas que gardan historias… e esta é unha delas.

Erguida en 1880, no lugar de Penamazada, parroquia de Balonga (concello de Pol), esta vivenda tradicional galega comezou a ser rehabilitada con moito amor e respecto pola súa esencia, para converterse nun fogar cheo de vida e encanto. Por motivos de saúde, o proxecto quedou pendente de rematar, pero cada detalle feito ata agora reflicte o coidado e a paixón postos nesta obra.

A rehabilitación combina a pedra e a madeira como materiais protagonistas, creando unha harmonía perfecta entre tradición e confort. A casa conta con fiestras e portas novas, lousado renovado, está totalmente illada e tabicada. Só faltan as instalacións, o mobiliario e eses pequenos detalles finais que farán brillar o conxunto.

Segundo os planos achegados polos propietarios, a vivenda foi deseñada para acoller un amplo salón, un comedor acolledor, cociña, despensa e dormitorios con baño privado, pensados para ofrecer comodidade e intimidade. No interior destaca un patio que aporta luz, o auténtico corazón da casa e refuxio perfecto para gozar das tardes de verán.

Conserva todo o encanto do rural galego con un forno de leña tradicional, un hórreo e un pozo. A casa está rodeada dunha ampla parcela de 27.400 m², inscrita no Rexistro da Propiedade. Un espazo ideal para cultivar, crear un xardín ou simplemente respirar calma e natureza.

A súa localización é privilexiada: a só 30 km de Lugo, a 5 km de Meira e a 15 km do Cádavo, combinando a paz do campo coa comodidade da proximidade.

Unha casa feita con amor, que espera por alguén que queira continuar o soño e poñerlle vida a cada pedra.

¡Se che interesa, contáctanos!