Se buscas unha vivenda ampla, acolledora e lista para entrar a vivir, esta magnífica casa independente no corazón do Chao do Pousadoiro pode ser o fogar perfecto para ti e a túa familia.

Construída no ano 2002 e cun excelente estado de conservación, a vivenda conta con 219 m² construídos distribuídos en tres alturas máis soto, ofrecendo espazos cómodos, luminosos e funcionais para o día a día. Na parte traseira dispón duns 350 m² de terreo, un espazo ideal para crear unha zona de lecer, un xardín privado, instalar unha barbacoa ou desfrutar do teu propio horto nun entorno tranquilo e natural.

O son relaxante do río Eo e as impresionantes vistas verdes converten esta propiedade nun lugar único onde desconectar e vivir con tranquilidade. Na planta baixa atopamos unha ampla cociña totalmente equipada, un salón moi luminoso con cheminea, garaxe con acceso directo, despacho ideal para tele traballo e un baño completo.

Na primeira planta distribúense dous dormitorios exteriores, unha gran sala de estar con abundante luz natural  e un balcón marabilloso e outro baño completo. No baixo cuberta, con encantadores teitos en madeira, sitúanse dous dormitorios adicionais e un terceiro baño.

A casa destaca pola súa luminosidade, amplitude das estancias e unha estética cálida e acolledora que transmite sensación de fogar desde o primeiro momento. A fachada combina pedra e tons cálidos, integrándose perfectamente coa contorna natural da zona.

Situada no centro da vila, con boa comunicación e servizos próximos, esta propiedade reúne comodidade, espazo exterior e natureza nunha das zonas máis fermosas da contorna do río Eo.

Unha oportunidade ideal tanto como vivenda habitual como para quen soña cun fogar tranquilo no norte de Galicia.