MEL Inmobiliaria presenta en exclusiva esta fantástica vivenda independente situada en Rioxoán, no concello de Pol, nun entorno tranquilo, rodeado de natureza e con fermosas vistas sobre a contorna.

Trátase dunha casa construída no ano 1984, con aproximadamente 297 m² construídos, asentada sobre unha ampla parcela duns 5.000 m², na que se combinan zonas de xardín e prado, ofrecendo o espazo e a privacidade que se buscan nunha auténtica casa independente.

A vivenda distribúese en tres plantas e destaca polas súas estancias amplas, luminosas e cómodas. Na planta baixa conta cun amplo garaxe, unha estancia de boas dimensións que actualmente pode utilizarse como comedor, sala ou zona de reunión e un baño completo, configurando unha zona con múltiples posibilidades de uso e que, se fose necesario, podería adaptarse para crear unha zona de vivenda independente da planta superior.

Na primeira planta atópase a vivenda principal, totalmente habilitada e lista para entrar a vivir, cunha distribución moi cómoda. Dispón dunha ampla cociña, moi luminosa e soleada, con abundante mobiliario e espazo de almacenamento, zona de comedor e cociña de leña, perfecta para manter ese ambiente cálido e acolledor tan característico das casas de sempre. O salón-comedor é unha das estancias máis agradables da casa, amplo e luminoso, con cheminea francesa e acceso ao balcón, creando un espazo perfecto para desfrutar en familia ou reunirse cos amigos. A planta complétase con tres dormitorios amplos, un baño completo e unha magnífica galería acristalada, unha estancia especialmente luminosa e agradable que permite desfrutar das vistas e da contorna durante todo o ano e que tamén pode utilizarse como zona de estar, comedor ou descanso. A casa conta ademais con calefacción, garantindo o confort durante todo o ano.

O baixo cuberta, actualmente sen repartir nin acondicionado, ofrece unha superficie adicional con moitísimo potencial e podería converterse, por exemplo, nun gran dormitorio, unha zona de descanso, despacho, sala de xogos ou mesmo nunha ampla suite con baño, dependendo das necesidades do futuro propietario.

No exterior, a propiedade conta cunha parcela de aproximadamente 5.000 m², con zona de xardín e prado, ademais dun amplo espazo diante da vivenda, perfecto para aparcamento, para desfrutar ao aire libre ou para crear diferentes zonas de lecer. A casa presenta ese encanto propio das grandes vivendas familiares construídas para durar, con estancias xenerosas, moita luz natural, amplas fiestras, galería, balcón, cheminea e cociña de leña, todo nun entorno no que o espazo e a tranquilidade son os auténticos protagonistas.

Unha propiedade ideal tanto como residencia habitual como para aqueles que buscan unha segunda vivenda onde desfrutar da natureza e da vida tranquila do rural galego, con superficie suficiente para toda a familia e unha ampla finca propia. Unha casa independente, luminosa, ampla e con carácter, onde poder vivir con espazo e tranquilidade, rodeado de natureza e con todo o potencial que ofrecen os seus case 300 m² e os seus 5.000 m² de terreo.

En exclusiva con MEL Inmobiliaria. Inmobiliaria rural, vendemos moito máis que casas!