Se buscas unha casa no rural, nun entorno tranquilo e rodeado de natureza, pero sen afastarte demasiado dos servizos, esta pode ser a túa oportunidade.

Poñemos á venda en exclusiva en MEL INMOBILIARIA esta encantadora casa de pedra situada en Meiroi, no concello da Ribeira de Piquín, cunha superficie construída de 154 m² distribuídos en dúas alturas e dúas pequenas parcelas de terreo que suman aproximadamente 170 m², perfectas para gozar do exterior, crear unha pequena horta ou simplemente ter un espazo propio ao aire libre.

Na planta baixa atopamos un amplo espazo diáfano que actualmente se utiliza como almacén, pero que ofrece múltiples posibilidades segundo as necesidades de cada familia: pode converterse nun magnífico comedor, nunha zona de reunión, nun espazo de lecer ou mesmo nun garaxe.

Na planta primeira atópase a vivenda, totalmente acondicionada e lista para entrar a vivir. Dispón dunha cociña completa e totalmente amoblada, un baño completo con prato de ducha, tres dormitorios moi luminosos, un dobre e dous sinxelos, e unha acolledora sala de estar, ese espazo perfecto para gozar das tardes e noites de inverno en familia.

A vivenda conta ademais con instalacións de auga e electricidade novas, así como lousado novo, o que achega maior comodidade e tranquilidade. A súa estrutura e fachada de pedra, coa pedra recentemente rexuntada, conservan todo o encanto e o carácter propio das casas tradicionais do rural galego.

Unha propiedade con moito potencial, ideal tanto como vivenda habitual para quen busque tranquilidade e calidade de vida como para aqueles que soñan cunha segunda residencia no rural galego, nun lugar onde desconectar, gozar da natureza e vivir sen présas.

A súa localización é outro dos seus atractivos: situada en Meiroi, na Ribeira de Piquín, atópase a tan só 10 minutos en coche de Meira e aproximadamente 5 km do Chao do Pousadoiro, combinando a tranquilidade do entorno rural coa proximidade aos servizos básicos.

Un lugar para vivir con calma, rodeado de natureza e coa esencia dunha auténtica casa galega.